قومي اسيمبلي جي اسپيڪر پاران قومي ڪفايت لاءِ اسيمبلي سيڪريٽريٽ جي خرچن ۾ گهٽتائي آڻڻ لاءِ خصوصي قدم کڻڻ جو حڪم

اسلام آباد-19 سيپٽمبر(اي پي پي) قومي اسيمبلي جي اسپيڪر سردار اياز صادق ڪفايت شعاري ۽ قومي پئسي جي بچت لاءِ اسيمبلي سيڪريٽريٽ جي خرچن ۾ گهٽتائي آڻڻ لاءِ خصوصي قدم کڻڻ جو حڪم ڏنو آهي جنهن تحت اسٽيشنري سميت ٻين اسمن ۾ 50 سيڪڙو ڪٽوتي جو فيصلو ڪيو ويو. قومي اسيمبلي سيڪريٽريٽ موجب اسپيڪر جي هدايت تي ڪفايت شعاري مهم تحت اسيمبلي سيڪريٽريٽ درپيش مالي چئليجز کي نظر ۾ رکندي خرچن ۾ گهٽتائي جو فيصلو ڪيو آهي. عوامي پئسي جي بچت کي يقيني بڻائڻ لاءِ سخت ڪفايت شعاري جا قدم کنيا ويا آهن جن جو مقصد قومي مفاد ۾ غير ضروري خرچن کي گهٽ ڪرڻ آهي. سيڪريٽريٽ سمورن آفيسرن ۽ شعبن کي ڪفايت شعاري جي قدمن تي سختي سان عمل ڪرڻ جي هدايت ڪئي آهي. اسٽيشنري اسمن ۽ ٻين شين جي محتاط استعمال کي يقيني بڻائڻو پوندو.اسٽيشنري ۽ ٻين شين جي ڊمانڊ مهيني ۾ صرف هڪ دفعو لاڳاپيل 20 هين گريڊ يا ان کان مٿي جي آفيسر جي اجازت سان ڪئي ويندي. جوائنٽ سيڪريٽري (ايڊمن) ۽ ڊپٽي سيڪريٽري (ايڊمن) کي غير ضروري اسٽيشنري جي طلبي تي 50 سيڪڙو ڪٽوتي جو اختيار سونپيو ويو آهي. اها به هدايت ڪئي وئي آهي ته ڪاغذ کي ٻنهي طرفن کان استعمال ڪرڻ کي هر صورت ۾ يقيني بڻايو وڃي. اسيمبلي سيڪريٽريٽ کي استعمال نه ٿيل سرڪيولر کي ٻيهر استعمال ۾ آڻڻ ضروري قرار ڏنو ويو آهي. انهن سرڪيولرز جون فالتو ڪاپيون، جن ۾ خالي جڳهه هجي، ڊرافٽ تيار ڪرڻ لاءِ استعمال ڪيا وڃن. آف سيٽ پيپر ۽ نوٽ شيٽ جو استعمال ڊرافٽ لکڻ لاءِ منع ٿيل هوندو. سرڪيولر ۾ آفيسن جا ٽيليفون محتاط نموني سان استعمال کي يقيني بڻائڻ جي به هدايت ڪئي آهي. جن آفيسرن جي آفيس جي ٽيليفون تي ڪا حد مقرر ناهي اهي پنهنجي ٽيليفون جي استعمال کي گهٽ کان گهٽ ڪن. ٽيليفون جي غير ضروري بلن ۾ گهٽتائي آڻڻ لاءِ قدم کڻڻ جي هدايت ڪئي وئي آهي. ٽيليفون جي غير ضروري استعمال ۾ گهٽتائي آڻڻ سان امڪاني حد تائين خرچن ۾ گهٽتائي ڪري سگهبي. اهي آفيسر جيڪي ٽيليفون جي استعمال جي مقرر حد رکن ٿا اهي پنهنجي آفيس جي ٽيليفون بلن ۾ گهٽتائي آڻين. ٽيليفون جي بلن ۾ گهٽتائي سان عوامي پئسي جي بچت ۽ قومي مفاد کي يقيني بڻائي سگهبو. اسپيڪر قومي اسيمبلي سيڪريٽريٽ کي انهن قدمن تي سختي سان عمل کي يقيني بڻائڻ جي هدايت ڪندي چيو ته غير ضروري خرچن ۾ گهٽتائي آڻي ملڪ جي درپيش مالي مشڪلاتن تي ضابطو آڻي سگهجي ٿو.

مضمون کا ماخذ : como jogar na loteria

متعلقہ مضامین